అనువాదం: అబ్బాస్
కమ్ముకున్న చీకటిరాత్రిలోంచి నీ జ్ఞాపకం తన్నుకొస్తుంది-
నది, తన ధీరవిలాపాన్ని సముద్రంలో కలిపేస్తోంది!!
ఉదయపువేళల చిన్నబోయి ఉండే బోసిరేవులా ఉన్నావు-
ఇక వీడ్కోలు చెప్పుకోవలసిన ఘడియ సమీపించింది!!
తలలు తెగిన మంచుపూలు గుండె మీద రాలిపడుతోన్నాయి-
చెత్తాచెదారాలతో చెలువారే గుంటవి,
ముక్కలు చెక్కలయిన ఓడయాత్రికుల మహోగ్రకుహరానిని!!
యుద్ధాలూ, తిరుగుబాట్లూ పేరుకున్నది నీలోనే-
పాటపక్షులు రెక్కలు విప్పిందీ నీలోనే!!
దూరంలా - సంద్రంలా - కాలంలా,
అన్నిటినీ దిగమింగేశావు నువ్వు;
నీలోలోపల అన్నీ ములిగిపోయాయి!!
దాడులతోనూ, ముద్దులతోనూ నిండిన సంతోష సమయమది;
’బంకోలా’ లా భగ్గుమన్న మంత్రఘడియలవి!!
చోదకుడి భయాన్నీ – నావికుడి ఆగ్రహాన్నీ
ప్రేమోన్మాదపు మైకాన్నీ – అన్నిటినీ నీలో కలిపేసుకున్నావు!!
పూర్తిగా చదవండి »
- ఐరా గొలోబిన్
తొలి రోజుల్లో అమెరికాకు వలసవచ్చి స్థిరపడినవారికి చుట్టూ ఉన్న పరిస్థితులను మార్చకతప్పలేదు; కొంతమంది తత్వవేత్తల్లాగా కేవలం వాటిని అర్థం చేసుకోవడంతో వారికి సరిపోలేదు. ఏదో చేసెయ్యాలనేదే తప్ప శాస్త్రీయ ప్రాపంచిక దృక్పథం లేకపోవడంతో వీరందరికీ సిద్ధాంతాలంటే ఏవగింపు ఉండేది. అయినప్పటికీ వీరందరూ తమ మాతృదేశాల్లో అమలులో ఉండిన రకరకాల తత్వధోరణులని కలగాపులగమైన పద్ధతిలో గుడ్డిగా ఆచరించడం మాత్రం చేసేవారు. తత్వశాస్త్రాలని గట్టిగా నమ్మినవారి సంఖ్య అప్పట్లో తక్కువే అయినప్పటికీ వలసదేశమైన అమెరికాలో తాత్విక వైఖరి శూన్యంగా మాత్రం ఉండేది కాదు.
పూర్తిగా చదవండి »
బతికున్న మనుషులకు గల ముఖ్యలక్షణం చైతన్యం (consciousness). తల్లి కడుపులో పిండ దశలో ఉండగానే ఇది ప్రాథమిక స్థాయిలో మొదలవుతుంది. మనిషి పెరిగి పెద్దవుతున్న కొద్దీ ఇది ఎక్కువై, మానసిక చైతన్యమే యథార్థమనీ, మనకు కనబడే లోకమంతా మిథ్య అనీ అనిపించేదాకా ఎదుగుతుంది. వస్తుపరమైన యథార్థత (objective reality) అనేది మన చైతన్యానికి సంబంధం లేనిదని లెనిన్ అన్నాడు. మార్క్సిస్టులు కాని ఐన్ష్టయిన్ వంటి మేధావులుకూడా యథార్థానికీ మన చైతన్యానికీ సంబంధమేదీ లేదని అంగీకరించారు.
పూర్తిగా చదవండి »